九子連環

同我好熟既朋友就會知我理應有賭徙基因，不過可惜小妹對任何性質的賭博都有抗拒性失憶．．．每學一樣，就忘記一樣，例如鋤大Dee、牌九、十三張...etc。樣樣我細細個都學過，之後都可以唔記得……

不過今個新年挑起條筋，喜歡上打麻雀。

麻雀呢樣野，在我過去十五年也會在初一、初二看到；然而從沒有興趣去學，亦只覺搓麻雀聲異常吵耳。不過今年，忽然想學，所以家中多位擁有麻雀系的博士爭相傳授。

一月廿九日，在芳姨家中牛刀小試，竟也在兩局中勝出一局。所謂三番起糊，我懂得的就只有做牌番和對對碰，還有就是難以出現的十三么。

一月三十日，到阿珍家中開臺，認識了新朋友U記。大家由一時半「搓」到六時，不可思議地只打了四圈；原因是我，我是站長。我係人地打隻牌，我會大叫等等，然後諗成分鐘，最後話：「都係無野！」

我真是大驚小怪，U記比我「槓上自摸」，一家包三家。當時我九章（既上左三組,,e.g.二三四+四五六+一二三），然後U記打左隻七萬比我，我就槓（姐係四隻一樣既），跟住我就自摸啦^^

不過真唔識打先好手氣，有一舖我食唔到，諗住推牌架啦，U記話睇我做咩牌先，結果嚇到佢O左。我當時：
一一一二三四五六七八九九九
萬萬萬萬萬萬萬萬萬萬萬萬萬

原來再是但加多隻萬子（任何一隻一至九萬都得）就食得！！仲要係打幾多番就爆棚幾大，嘩！果陣我先知幾難得………我老豆話佢一生打左四十年麻雀都係食得一兩次喎！呢種奇牌個名就叫：九子連環