20個"其實...

寫20個"其實..."關於自己既秘密,習慣,事情,希望......總之要同你有關既。
然後tag多20 個人,一定一定要tag返tag你條友; 我tag你就即係我想認識你更深

其實...我最鍾意的動物係黃毛小雞
其實...我想養以上的小雞但要係永遠唔會大同變樣
其實...我覺得單戀一個人又變心唔算花心lor
其實...我小四拍過三日之後未拍過拖,no first kiss
其實...我想做電視演員呢個夢想係沿於想睇下有幾黑暗再寫本小說
其實...我好容易記得夢境,我認為係某些人的特殊功能
其實...我好想快d生bb,想左好耐;而且係做單親媽媽,係因為爸爸呢個角色對我來說寧願個小朋友冇
其實...我好想快d出去住;不過煮飯以外,我都唔鍾意做家務
其實...我好欣賞古代的妓,有學識又有才貌同人際手段
其實...我估我做過幾世人,我認為情意結係一些你已忘掉的記憶,所以我有一世係埃及人,有一世係楊貴妃的侍女
其實...我細個唔驚曱甴,,而加驚到顛,我又估我有一世比佢地分屍
其實...我100%信有外星人,唔鍾意d人以為我講笑,倪匡既書影響左我所有的觀念,再唔信既人好愚昧
其實...我仲想高,至少好似周迅咁高就ok
其實...我鍾意食貢茶的奶蓋,紗紗冬天的士多啤梨朱古力,海膽刺身同pizza hut的芝士釀雞翼
其實...我熟悉娛樂版的程度真係好誇,睇有線CEN;無線娛樂頭台;買幾份雜誌
其實...我欣賞我男藝人大多唔係靚仔(偶像派)
其實...我鍾意林子善,羅嘉良,張衛健,側田,鄭中基,杜汶澤,唐文龍,李思捷,謝君豪,李璨琛,陳山聰,呂頌賢,陳啟泰,吳廷燁...
其實...我已經唔係一個純情既人,時代沒容許我純情,但我所追求既浪漫愛情畫面,係兩個人坐單車貼著背~
其實...我唔介意做小三,呢排出街聽到"三角誌"好有意思
其實...我的人生目標係做到我偶像張國榮所說的:「姣,型,寸,靚」